ፎቶው ይናገራል?
ወዳጄ ምን ተማርክ ወዳጄ ምን ተማርሽ
ከፊት ከገፃቸው
ከአቀማመጣቸው
ከአሰዳደራቸው
ከአተያያቸው
ከረጋ ፊታቸው
ከጭምት ደማቸው
ከላይ ከልብሳቸው
ከቆብ ካቦርታቸው
ከሸሚዝ ሱፋቸው
ከጦር ከጋሻቸው
ምን ታየህ ወዳጄ
ምን ተማርሽ ወዳጄ
አይንህ ምን ነገረህ
ምን አለምክ ወዳጄ?
አይንህ ምን ነገረህ
ምን አለምክ ወዳጄ?
በትረ ስልጣኑ ከፍታው ነው የታየህ?
እውነት መሀል መቆም ክብደቱ ነው የታየህ?
አይንህ ምን ነገረህ?
ነው ወይስ ዝም ብሎ የቆመ ስዕል ገፅ
ፎቶው ነው የታየህ?
ንገረኝ ወዳጄ ንገሪኝ አይንሽን፣
ጥልቅ ምልከታህን ረቂቅ እውነትሽን፣
ፎቶው ይናገራል የሚል ብሂልሽን፡፡
No comments:
Post a Comment